Blogger Tips and TricksLatest Tips And TricksBlogger Tricks

அதிரை AFFA அணியின் முக்கிய அறிவிப்பு!

அதிரையில் கடந்த 15 நாட்களாக AFFA நடத்தும் மாபெரும் எழுவர் கால்பந்து தொடர் போட்டி வெகு சிறப்பாக நடைப்பெற்றுக் கொண்டிருக்கிறது. தொடர் இறுதிக் கட்டத்தை எட்டியுள்ளது. இந்நிலையில் நமதூர் ரஹ்மானியா மதர்சாவில் 100வது ஆண்டு விழா மற்றும் பட்டமளிப்பு விழா நடைபெறுவதால் இன்றைய போட்டி ரத்து செய்யப்பட்டுள்ளதாக இத்தொடரை நடத்தி வரும் AFFA அணியினரால் அறிவிக்கப்பட்டுள்ளது.
0 உங்கள் குரல்

அதிரையில் வெடிவெடித்து கொண்டாடிய அ.தி.மு.க வினர்! (படங்கள் இணைப்பு)


தமிழகத்தின் புதிய முதல்வராக 5வது முறையாக ஜெயலலிதா இன்று சனிக்கிழமை (மே.23) பொறுப்பேற்றுக் கொண்டார். 2 பெண்கள் உட்பட 28 பேர் அமைச்சர்களாகி உள்ளனர். அவர்களுக்கு பதவிப் பிரமாணத்தையும், ரகசிய காப்புப் பிரமாணத்தையும் ஆளுநர் ரோசய்யா செய்து வைத்தார்.

இதனை கொண்டாடும் விதமாக அதிரை பேருந்து நிலையம் அருகே அ.தி.மு.க வினர் ஒன்று கூடி உற்சாகமாக பட்டாசுகள் வெடித்தும் இனிப்புகள் வழங்கியும் தங்கள் மகிழ்ச்சியை வெளிபடுத்தினர். இதற்க்கு அதிரை அ.தி.மு.க செயலாளர் திரு.பிச்சை தலைமை தாங்கினார். இதில் அதிரை அ.தி.மு.க துணை செயலாளர் முஹம்மது தமீம், நகர பாசரை தலைவர் அஹமது தாஹிர், அதிரை பேரூராட்சி அதிமுக கவுன்சிலர்கள் மற்றும் அதிமுக நிர்வாகிகள் என பலர் கலந்துக்கொண்டனர்.







0 உங்கள் குரல்

அதிரை ரஹ்மானியா மதர்ஸா பட்டமளிப்பு விழாவிற்கு வருபவர்களுக்கு கீழத்தெரு இளைஞர்கள் சார்பில் மோர் விநியோகம்! (படங்கள் இணைப்பு)


அதிரையில் ரஹ்மானியா மதர்ஸாவின் 100 வது ஆண்டுவிழா மற்றும் பட்டமளிப்பு விழா இன்று காலை முதல் சிறப்பாக துவங்கி நடைப்பெற்று வருகின்றது. பல பகுதிகளில் இருந்தும் 1000க்கும் மேற்பட்ட முஸ்லிம்கள் அதிரைக்கு வருகை தந்தவாறு உள்ளனர். விழா பந்தல் மக்கள் நிரம்பியுள்ளது. மேலும் விழாவில் நடைப்பெறும் மார்க்க சொற்பொழிவுகளை பொதுமக்கள் கேட்கும் வண்ணமாக பல பகுதிகள் ஒளிபெருக்கிகள் கட்டப்பட்டுள்ளது.

மேலும் கடும் வெயில் அடித்து வருவதால் வெயிலில் விழாவிற்க்கு வரும் மக்களின் தாகம் தணிக்க அதிரை கீழத்தெரு இளைஞர்கள் சார்பில் தம்பி மளிகை எதிரே செல்லும் சாலையில் மோர் பந்தல் போடப்பட்டு விழாவுக்கு வருபவர்களுக்கு மோர் விநியோகம் செய்யப்பட்டு வருகின்றது.







0 உங்கள் குரல்

சென்னையில் இருந்து அதிரைக்கு வந்துக்கொண்டிருந்த தனியார் ஆம்னி பேருந்து விபத்துக்குள்ளானது!

நேற்று இரவு பயணிகளை ஏற்றிச் சென்ற ஆம்னி பேருந்து ஒன்று சென்னையில்  இருந்து அதிரை நோக்கி பயணிகளை ஏற்றிக்கொண்டு வந்துக்கொண்டிருந்தது. கோவலத்தை தாண்டி வந்துக்கொண்டிருந்த போது எதிர்பாராத விதமாக எதிரே வேகமாக வந்த காரின் மீது மோதியது. இதனை அடுத்து கார் முற்றிலும் சேதமடைந்தது. இருப்பினும் அல்லாஹ்வின் உதவியால் யாருக்கும் எந்த அசம்பாவிதமும் ஏற்படவில்லை.


0 உங்கள் குரல்

அதிரை பிறையின் நிர்வாக அறிவிப்பு!

அதிரை ரஹ்மானியா மதர்ஸாவின் 100வது ஆண்டு விழா மற்றும் பட்டமளிப்பு விழா நாளை துவங்கி இரண்டு நாட்கள் நடைப்பெற உள்ளது. இதில் தமிழகம், கேரளா உள்ளிட்ட பல்வேறு பகுதிகளில் இருந்தும் நூற்றுக்கணக்கான உலமாக்கள், பொதுமக்கள் கலந்துக்கொள்ள உள்ளனர். இதற்க்கான ஏற்பாடுகள் அதிரை ரஹ்மானியா மதர்ஸா அருகே சிறப்பாக செய்யப்பட்டுள்ளது.

மேலும் நிகழ்ச்சி ஏற்ப்பாட்டாளர்களால் புகைப்படம் மற்றும் வீடியோக்கள் எடுக்க வேண்டாம் என்ற கோரிக்கை முன் வைக்கப்பட்டுள்ளது. இதனை அதிரை பிறை சார்பாக மனதார ஏற்றுக்கொள்வதோடு ரஹ்மானியா மதர்ஸவின் பட்டமளிப்பு விழா மேடை மற்றும் மக்கள் குழுமியிருக்கும் புகைப்படங்கள் இன்றி செய்தியை நமது தளத்தில் பதியப்படும் என்பதையும் வாகர்களுக்கு தெரிவித்துக் கொள்கிறோம்.

மேலும் இதில் கலந்துக்கொள்பவர்களும் ஏற்ப்பாட்டாளர்களின் கோரிக்கைக்கு  இணங்க புகைப்படங்களை எடுக்க வேண்டாம் எனவும், நிகழ்ச்சியில் பெருந்திரளாக கலந்துக்கொள்ளுமாறும் அன்புடன் கேட்டுக்கொள்கிறோம்.




0 உங்கள் குரல்

“புரட்சியின் முழக்கம்” கவியரங்க நிகழ்ச்சியில் என் கவிதை




இன்று காலை துபை வானலை வளர்தமிழ் இலக்கிய அமைப்பின் “புரட்சியின் முழக்கம்” கவியரங்க நிகழ்ச்சியில் என் கவிதை அரங்கேற்றம்


செங்கதிராம் பாரதியின் செந்தமிழே புரட்சியென்பேன்
சங்கொலியாய் பாரதிதா  சனின்தமிழே புரட்சியென்பேன்
மங்கிவரும் மொழிப்பற்றை மாற்றவந்த  புரட்சியென்பேன்
பங்கமின்றிப் பாடல்களில் பாவரசர் புரட்சியென்பேன்


பட்டுக்கோட்   டையிலொரு    பாட்டுக்கோட்    டைப்புரட்சி
விட்டத்தைப்     பார்த்தோர்க்கு  விடிவெள்ளி   அப்புரட்சி
பட்டத்தை        விதைத்தவர்க்குப்    பாடல்தரும் அகப்புரட்சி
கொட்டத்தை அடக்கிடவே கோட்டையாரின் பாப்புரட்சி


எழுகின்ற இடிமுழக்கம் எச்சரிக்கும் புயல்புரட்சி
விழுகின்ற ஏழைகளின் விரக்திகளே முழுப்புரட்சி
பழுக்கின்ற வேதனைகள் பாய்ந்துவரும் மனப்புரட்சி
அழுக்காறு அரசியலை அகற்றுவது களப்புரட்சி



நிலநடுக்கம் சுனாமிகளால் நிம்மதியை நாமிழந்து
குலைநடுங்கும் போக்கினையே குவலயமும் கண்டதிங்கு
இலையிங்கு பயமும்தான் இறைவனவன் மீதினிலே
அலைகளிலும் தரையினிலும் அவன்காட்டும் புரட்சியாமே!




யாப்பிலக்கணம்; தரவு கொச்சகக் கலிப்பா




0 உங்கள் குரல்

சவூதியில் ஜும்மா தொழுகைக்கு பிறகு நடைப்பெற்ற குண்டு வெடிப்பில் பலர் மரணம்! (வீடியோ இணைப்பு)

கிழக்கு சவுதி அரேபியாவில் அல் குவடாக் நகரில் உள்ள இமாம் அலி மசூதியில் இன்று வெள்ளிக்கிழமை ஜும்மா தொழுகையில் ஈடுபட்டு இருந்தபோது அங்கு தற்கொலை படை தீவிரவாதி ஒருவன் தான் அணிந்து இருந்த குண்டை வெடிக்க செய்தான். இந்த தாக்குதலில் பலர் உயிர் இழந்தனர்.
இந்த பள்ளியில் 150 க்கும் மேற்ட்டவர்கள் தொழுகையில் ஈடுபட்டு இருந்தனர் எனவும் இதில் 30 பேர் வரை பலியாகி இருக்க கூடும் எனவும் நேரில் பார்த்தவர் கூறி உள்ளார்.
நாங்கள் முதல் பகுதி தொழுகையில் ஈடுபட்டு இருந்த போது வெடிகுண்டு வெடிக்கும் சத்தம் கேட்டேன். என நேரில் பார்த்த கமல் ஜாபர் ஹசன் என்பவர் ராய்ட்டர் செய்தி ஏஜென்சிக்கு டெலிபோன் மூலம் கூறி உள்ளார்.
சவுதி அரசு செய்தி ஏஜென்சி வெடுகுண்டு தக்குதல் நிகழ்ந்ததை உறுதி படுத்தி உள்ளது. பாதிக்கபட்டவர் ஒருவர் ரத்தம் தோய்ந்த படத்தை சோசியல் மீடியாவில் போட்டு உள்ளார்.
0 உங்கள் குரல்

சென்னை சூப்பர் கிங்க்ஸை வீழ்த்தியது தென்னரசு பள்ளத்தூர் அணி!

அதிரை ப்ரெண்ட்ஸ் ஃபுட் பால் அசோசியேஷன் (AFFA) நடத்தும் 12 ஆம் ஆண்டு மாபெரும் எழுவர் கால் பந்து தொடர் போட்டி இன்று (21-05-2015) மாலை 5 மணியளவில் ஷிஃபா மருத்துவமனை எதிரே அமைந்துள்ள கிராணி மைதானத்தில் நடைப்பெற்று வருகிறது.

இன்றைய தினம் நடைப்பெற்ற ஆட்டத்தில் தென்னரசு பள்ளத்தூர் அணியை எதிர்த்து சென்னை சூப்பர் கிங்க்ஸ் அணியினர் விளையாடினர். பரபரப்பாக நடைப்பெற்ற இப்போட்டியில் இரு அணிகளும் 1-1 என்ற கோல்கள் அடித்த நிலையில் சமநிலையில் ஆட்டம் முடிந்தது. இதனை அடுத்து 5 நிமிடங்கள் நேரம் அதிகரிக்கப்பட்டது. இதிலும் ஆட்டம் சமநிலையில் முடிவுற்றதால் டைபிரேக்கர் முறையில் வெற்றியாளரை அறிவிக்க நடுவர்கள் முடிவெடுத்தனர்.

இதனை அடுத்து நடைப்பெற்ற டைபிரேக்கரில் தென்னரசு பள்ளத்தூர் அணியினர் 4-3 என்ற கோல் கணக்கில் வெற்றி பெற்றனர்.
0 உங்கள் குரல்

அதிரையில் சிறப்பாக நடைப்பெற்ற மாரத்தான் ஓட்டப்போட்டி! (படங்கள் இணைப்பு)


பாப்புலர் ஃபிரண்ட் ஆஃப் இந்தியா பட்டுக்கோட்டை டிவிசன் நடத்தும் மக்கள் சங்கமம் மாநாடு எதிர்வரும் மே 29,30 ஆகிய இருதினங்கள் அதிராம்பட்டினம் சித்திக் பள்ளி வளாகத்தில் நடைபெறள்ளது.

இந்த, மக்கள் சங்கமம் மாநாட்டை முன்னிட்டு இன்று(22-05-2015) மாலை 4 மணியளவில் அதிரை பேருந்து நிலையத்தில் மினி மாரத்தான் ஓட்ட போட்டி பாப்புலர் ஃபிரண்ட் ஆஃப் இந்தியாவின் டிவிசன் தலைவர் வழக்கரிஞர் நிஜாம் மற்றும் டிவிசன் செயலாளர் அஜ்மல் ஆகியோர் தலைமையில் நடைப்பெற்றது.
இதில், பாப்புலர் ஃபிரண்ட் ஆஃப் இந்தியாவின் மாவட்ட தலைவர் ஹாஜா, எஸ்டிபிஐ கட்சியின் மாவட்ட தலைவர் z.முகம்மது இலியாஸ் மற்றும் கேம்பஸ் ஃபிரண்ட் ஆஃப் இந்தியாவின் மாநில செயற்குழு உறுப்பினர் z.முகம்மது தம்பி BA.BL ஆகியோர் முன்னிலையிலும், சிறப்பு அழைப்பாளராக மேலத்தெரு PMK.தாஜூதீன் அவர்கள் கலந்து கொடி அசைத்து தொடங்கிவைத்தார்.
 வெற்றியாளர்கள் விபரம்
முதல் இடம்:- முத்துபாண்டி
இரண்டாம் இடம்:- அசரூதீன்
முன்றாம் இடம்:- பிரவீன்குமார்.





இந்த போட்டியில் நுற்றுக்கும் மேற்ப்பேற்ற இளைஞர்களும்,பொதுமக்களும் கலந்து கொண்டனர்.
                                       இப்படிக்கு
                                  மக்கள் சங்கமம் மாநாடு,
                                  செய்தி தொடர்பாளர்.



0 உங்கள் குரல்

அதிரை TNTJ நடத்தும் மாபெரும் இரத்ததான முகாம்!


0 உங்கள் குரல்

இஸ்லாம்

கட்டுரை

விளையாட்டு

தொழில்நுட்பம்

முக்கிய தகவல்கள்

வேலைவாய்ப்பு